Pas tensioneve të fundit në Big Brother VIP Albania dhe dasmës së mbrëmshme mes Gjestit dhe Eglit, reperi Zebërvoki ka bërë një postim në InstaStory që u interpretua si mjaft ironik dhe me nënkuptime.
Ai publikoi një video ku shihet një çift në det – vajza e mbante djalin në krah, ndërsa ai ishte krejtësisht pasiv, me trupin e shtrirë, pa bërë asnjë lëvizje.
Videoja shoqërohej me mbishkrimin: “Se me kë më ngjan ky kapëlli?”, duke lënë vend për interpretime të shumta.
Postimi u mor si një kunj i drejtpërdrejtë për Gjestin dhe Eglin, marrëdhënia e të cilëve shpesh është komentuar si e pabalancuar.
Shikuesit kanë vënë re se Egli ka qenë ajo që zakonisht merr hapin e parë dhe duket sikur është ajo që mban gjallë lidhjen, shpesh në rolin e “shtyllës” së çiftit.
Ky reagim vjen vetëm një ditë pasi Zebërvoki mbajti një live në Instagram, ku bëri thirrje për maturi dhe për të mos e kthyer ngjarjen e dhunës mes Jozit dhe Gjestit në një përçarje Kosovë-Shqipëri.
Ai apeloi që dhuna të mos nxitë më shumë dhunë dhe që të ruhet respekti mes palëve.
Ndërkohë, Egli dhe Gjesti kurorëzuan marrëdhënien e tyre në një ceremoni simbolike brenda shtëpisë së BBVA, pas kërkesës së Gjestit për të realizuar një dasmë tradicionale, sipas formatit të spektaklit.
