Një fustan rozë ‘Pucci’ i veshur dikur nga ikona e ndjerë e Hollivudit, Marilyn Monroe, u shit për një rekord prej 325,000 dollarësh në eventin e Julien’s Auctions.
Fustani me mëngë të gjata prej mëndafshi shënoi një rekord të ri botëror për fustanin më të shtrenjtë “Pucci” të shitur në ankand.
Ankandi, i cili fitoi gjithsej 4 milionë dollarë, shfaqi një sërë artikujsh të tjerë që dikur ishin në pronësi të Monroe, duke përfshirë kostumet e filmit, grimin, veshjet e legjendës së ndjerë si dhe qindra artikuj që themeluesi i ndjerë i revistës Hefner la në pronën e tij pas vdekjes së tij në shtator të vitit 2017 në moshën 91-vjeçare.
Së fundmi një fans i vjetër i Marilyn Monroe po shpenzon 30 mijë dollarë për të bërë fushatë për Akademinë për t’i ofruar asaj një çmim për arritje të përjetshme në Oscar, duke pretenduar se talenti i saj ishte “përdhunuar” nga e gjithë industria.
Artisti Michael Moebius po përpiqet që ikona e ndjerë, e cila ndërroi jetë më shumë se gjashtë dekada më parë, të vlerësohet për shërbimet e saj në film dhe argëtim.
Ai ka planifikuar një shumë prej 30,000 dollarësh për të tërhequr vëmendjen e drejtuesve të Akademisë përpara ceremonisë së këtij viti.
