Njerëzit me diabet që kanë probleme me gjumin kanë 87% më shumë gjasa të vdesin për ndonjë shkak gjatë 9 viteve të ardhshme sesa njerëzit pa diabet ose probleme me gjumin, zbulon një studim i ri.
Studimi, i botuar të martën në Journal of Sleep Research, analizoi të dhënat nga gati gjysmë milioni pjesëmarrës të moshës së mesme në UK Biobank Study, i cili strehon informacione të thelluara gjenetike dhe shëndetësore për banorët e Mbretërisë së Bashkuar, informon albeu.com.
Pas kontrollit për probleme mjekësore dhe të mënyrës së jetesës që mund të ndikojnë gjithashtu në gjumë, të tilla si mosha, gjinia, pesha, pirja e duhanit, depresioni dhe kushte të tjera paraekzistuese, studimi zbuloi se njerëzit që flinin keq por nuk kishin diabet kishin 11% më shumë gjasa të vdisnin brenda periudha 9 vjeçare, sesa njerëzit pa diabet që fjetën mirë.
“Personat me diabet, por jo me çrregullime të gjumit, kishin 67% më shumë gjasa të vdisnin krahasuar me njerëzit me as diabet ose probleme të gjumit, dhe 87% më shumë të ngjarë të vdisnin nëse kishin të dyja, diabet dhe çrregullime të shpeshta të gjumit”, tha autorja e studimit Kristen Knutson.
Knutson dhe ekipi i saj krahasuan gjithashtu njerëzit me diabet që flinin mirë me njerëzit me këtë gjendje që shpesh përjetojnë gjumë të dobët, informon albeu.com.
“Njerëzit me diabet që fjetën keq kishin 12% më shumë gjasa të vdisnin gjatë një periudhe 9-vjeçare sesa njerëzit me diabet që fjetën pa shqetësime të shpeshta të gjumit”, tha Knutson.
Studimi është i pari për të parë kombinimin e diabetit plus shqetësimet e gjumit dhe rrezikun e vdekshmërisë, shtoi ajo./albeu.com
