Një plagosje me armë zjarri, ka ndodhur sot në fshatin Bruz të Krujës. Fshati në fjalë ndodhet në Zall të njësisë administrative Cudhi të Krujës.
Mësohet se i plagosur ka mbetur Agron Asllan, rreth 40-vjeç.
Ai ka marrë një plumb në krahë, dhe se është transportuar drejt spitalit të Traumës.
Sakaq, paraprakisht dyshohet se është plagosur nga një bashkëfshatar për motive të dobëta.
Më herët, u raportua se autoambulanca mbërriti deri në vendin e quajtur “Kroi i madh”, pasi e ka pasur të pamundur të udhëtojë më larg, për shkak të ngricave dhe terrenit.
Ndërkohë, i plagosuri u transportua me një fuoristradë nga familjarë të tij, deri te autoambulanca.
