Gjykata e Durrësit ka konfirmuar masën ‘arrest me burg’, për Aldi Mustafën, mikun e “Rrumit të Shiajkut” dhe bashkëpunëtori i tij Klevis Kurdiu.
Kujtojmë se ata u arrestuan teksa po planifikonin të kryenin një vrasje.
Sipas policisë, në momentin e arrestimit 37-vjeçari Aldi Mustafa ishte i armatosur me armë zjarri me silenciator, me të cilën ishte nisur për të vrarë një person.
Mustafa u ndalua teksa po drejtonte automjetin në kohën kur ka ndërhyrë policia dhe fillimisht ka tentuar të largohet, por kjo tentativë e tij nuk ka rezultuar e suksesshme.
Bashkë me të u arrestua edhe 27 vjeçari Klevis Kurdiu. Mustafa rezulton i dënuar më parë brenda dhe jashtë vendit, për armë, drogë, kanosje dhe tentativë vrasjeje.
