Të paktën 27 persona vdiqën dhe dhjetëra u plagosën pas një zjarri dhe shpërthimi në një pikë karburanti në rajonin e Kaukazit të rajonit Dagestan në Federatën Ruse, sipas të dhënave të fundit të publikuara nga ministria e reagimit emergjent.
Fillimisht u raportuan 25 të vdekur, por numri është rritur në 27.
Nga incidenti janë lënduar gjithsej 102 persona, sqaron ministria përmes Telegramit.
In #Makhachkala, #Dagestan there was a powerful explosion near an oil depot
Eyewitnesses report that the blast wave was very strong and was felt in apartments and houses.
The preliminary cause of the explosion is an exploding gas cylinder at a gas station. At least eight people… pic.twitter.com/lnv7kAKTdr
— NEXTA (@nexta_tv) August 14, 2023
Një hetim për rrethanat dhe shkaqet e katastrofës ka filluar, njoftoi përmes Telegramit Drejtoria e Dagestanit e Komitetit Hetues të Federatës Ruse.
Stacioni i karburantit ndodhej në Makhachkala, një qytet me 600,000 banorë, në Detin Kaspik.
Është kryeqytet i i Dagestanit, një republikë ruse pranë Çeçenisë, me një sipërfaqe prej rreth 50,000 kilometra katrorë, e cila është fqinje me Gjeorgjinë dhe Azerbajxhanin.
Sipas agjencive ruse të lajmeve TASS dhe RIA, zjarri është shuar. Ministria kishte raportuar më herët se ajo shtrihej në 600 metra katrorë dhe se 260 zjarrfikës ishin në vendngjarje.
BREAKING – Russia: A powerful explosion at a service building of a gas station close to an oil depot in the city of Makhachkala, Dagestan. pic.twitter.com/3EapsxcPYo
— Jack Straw (@JackStr42679640) August 15, 2023
Në një video të publikuar nga ministria, zjarrfikësit mund të shihen duke luftuar me flakët, si dhe anëtarët e ekuipazheve të shpëtimit ndërsa kërkojnë në rrënojat e ndërtesës me elektrik dore ose fenerë.
Një ambulancë u dërgua nga autoritetet ruse në Makhachkala për të marrë të plagosurit më rëndë dhe për t’i transportuar ata në Moskë, sipas ministrisë së reagimit emergjent.
Ngjarja e rëndë ndodhi në orën 21:40 në pikën e karburantit të vendosur në një autostradë federale, sipas guvernatorit rajonal Sergei Melikov.
27 people died and 102 were injured as a result of the explosion in #Makhachkala, stated the head of #Dagestan Sergey Melikov. pic.twitter.com/tuVLOOOl09
— NEXTA (@nexta_tv) August 15, 2023
“Një zjarr ka shpërthyer gjatë punimeve të mirëmbajtjes së veturës, i pasuar nga një shpërthim, si pasojë e të cilit 102 persona kanë mbetur të plagosur dhe 27 të vrarë”, tha komisioni hetimor përmes Telegramit.
Sipas të njëjtit burim, janë dëmtuar automjete dhe objekte në zonën e gjerë. Sipas një dëshmitari okular të cituar nga gazeta ruse Izvestia përmes Telegramit, zjarri shpërtheu në një zonë ku ishin parkuar makinat përpara se të përhapej në pikën e karburantit.
/Albeu.com/
