Kandidati i koalicionit, “Bashkë Fitojme” në Himarë, Fredi Beleri u arrestua pak pas mesnatës së sotme.
Beleri akuzohet për blerje votash në prag të zgjedhjeve të 14 majit.
Në lidhje me arrestimin e Belerit ka reaguar Vangjel Dule, kreu i PBDNJ, i cili ishte i pranishëm në ambientet e jashtme të komisariatit të Himarës. Ai e e quan sulm të pastër politik arrestimin e Fredi Belerit.
Sipas Dules shoqërimi i sotëm i Belerit është orkestruar nga kryeministri Rama.
“Pas një jave delirumi, gjuhë urrejtje, përçarjeje, stigmatizimi të Kryeministrit Rama kundër kandidatit të ‘Bashkë Fitojmë’ në Himarë, me urdhër të tij forca policore rrëmbyen në qendër të qytetit rrëmbyen z. Beleri dhe avokatin avokatin e tij. Ata sapo kishin dalë nga një darkë. Akt i paprecedentë dhe i pashpjegueshëm nga çdo optikë demokratike, një fenomen që ka lidhje me regjimet totalitare. Të lirohet menjëherë z. Beleri, të garantohet vota dhe Rama të heqë dorë një herë e mirë nga përpjekja për të tjetërsuar vullnetin e sovranit”, tha Dule për mediat./albeu.com/
