Në orët e para të mëngjesit tre makina janë gjetur të djegura në Shkodër.
Mësohet se dy makina janë djegur plotësisht, të cilat janë në pronësi të dy vëllezërve.
Bëhet fjalë për shtetasit Antonio Doçina, 22 vjeç dhe Kleidi Doçina, 20 vjeç.
Ndërkohë një makinë tjetër është djegur pjesërisht.
Automjeti tip “Volkswagen” në pronësi të shtetasit K. L., 40 vjeç, banues në Shkodër.
Njoftim policie
Më datë 23.12.2022, rreth orës 03:25, në lagjen “Ndoc Mazi”, Shkodër, ka rënë zjarr dhe si pasojë e përhapjes së flakëve janë djegur plotësisht 2 automjete të parkuara në rrugë, automjeti tip “Benz” në pronësi të shtetasit A. D., 22 vjeç dhe automjeti tip “Benz” në pronësi të shtetasit K. D., 20 vjeç (vëllezër), banues në Shkodër. Gjithashtu, është djegur pjesërisht automjeti tip “Volkswagen” në pronësi të shtetasit K. L., 40 vjeç, banues në Shkodër.
Grupi hetimor vijon veprimet për përcaktimin e shkakut të rënies së zjarrit dhe zbardhjen e plotë të rrethanave të ngjarjes./albeu.com
