Pasditen e djeshme, efektivët e Policisë së Rimint arrestuan dy të rinj shqiptarë për drogë.
Konkretisht, në orën 17.20 një grup i Komisariatit të Policisë Rimini ka shkuar në një hotel në Marina Centro për të kryer kontrolle në dhomat ku ishin akomoduar njerëz.
Të lidhura
None found
Ndërsa kanë nisur kontrollin, vëmendjen e agjentëve e kanë marrë dy shqiptarët, të cilët sapo kanë parë policinë janë kthyer me shpejtësi në dhomën e tyre, raportojnë mediat italiane.
Duke pasur parasysh sjelljen anormale të dy të rinjve, ata kanë marrë dy qen të stërvitur, dhe me ndihmën e tyre, në dhomë janë gjetur doza kokaine. Ata e kishin fshehur kokainën në rroba dhe në minibarin e dhomës. Dy të rinjtë u arrestuan dhe pritet që gjykimi me procedurë të drejtpërdrejtë të zhvillohet në Gjykatën e Riminit, sot./albeu.com
