SHBA do të shpallë sisteme shtesë të sigurisë me vlerë 800 milionë dollarë për Ukrainën në ditët në vijim, tha presidenti amerikan Joe Biden.
Duke folur në samitin e NATO-s, ai tha se kjo do të përfshijë sisteme të reja të avancuara të mbrojtjes ajrore perëndimore, sisteme radari kundër baterive, municione shtesë për sistemin e lëshimit të shumëfishtë të raketave HIMARS dhe më shumë HIMARS që vijnë nga vende të tjera.
Shtetet e Bashkuara kanë ofruar tashmë sisteme sigurie në vlerë prej 7 miliardë dollarësh për Ukrainën, tha ai.
Biden tha se shumica e anëtarëve të NATO-s janë në rrugën e duhur për të tejkaluar angazhimin e aleancës për të shpenzuar 2% të PBB-së për mbrojtjen.
“Kjo është një përpjekje globale për të mbështetur Ukrainën,” tha ai, duke shtuar se SHBA do të ndihmojë Ukrainën për aq kohë sa duhet.
Biden tha se “ne po i furnizojmë ata me kapacitet” dhe vendi ka treguar se mund “të vazhdojë t’i rezistojë agresionit rus”./albeu.com
