Një nga transferimet më të mëdha që mund të ndodhin gjatë këtij afati kalimtar ështe zbehur për shkak të koronavirusit.
Ylli francez i futbollit, Mbappe, i cili aktualisht aktivizohet me PSG, duket se ka qenë shumë afër marrëveshjes me Real Madrid, para se të përhapej koronavirusi.
Të lidhura
None found
Kështu të paktën bën të ditur ish anëtari i PSG, Jerome Rothen, i cili shton se ky transferim është vetëm çështje kohe.
“Di nga burime të klubit se marrëveshja për Kylian Mbappe te Real Madrid ishte thujase e kryer”, ka thënë Rothen.
“Por, me atë që po ndodhë, jam i sigurt se transferimi i Mbappe te Real Madrid do të shtyhet”, ka shtuar ish mesfushori.
“Megjithatë, nuk ka mundësi që Mbappe të rinovojë me PSG. Ata do të kenë një marrëveshje, sepse PSG u pajtua që lojtari të largohet në verë. Për mendimin tim, është vetëm çështje kohe”, ka shtuar ndër të tjerash Rothen.
Mbappe tash e një kohë është në radarin e Real Madrid dhe duket se koha për transferimin e tij po afron.
