Futbolli i Shqipërisë mund të përjetojë skenarin francez për fatin e kampionatit.
Federata Shqiptare e Futbollit po mendon që në rast se qeveria ndalon aktivitetet sportive, atëherë fati i sezonit të vendoset sipas skenarit të Ligue 1.
Ligue 1 kishte anuluar zyrtarisht sezonin, duke shpallur kampionin, skuadrat që garojnë në Evropë dhe skuadrat e rëna nga liga, bazuar në renditjen aktuale.
Njësoj po mendon të bëjë edhe Armando Duka nëse sezoni nuk rifillon.
Por, sipas raportimeve të ‘Panoramasport’, shumica e skuadrave të futbollit shqiptar janë kundër këtij vendimi të mundshëm.
Klube si Partizani, Apolonia, Besëlidhja, Dinamo, Elbasani, Turbina, Luftëtari e Flamurtari janë ato klube që thuhet të jenë kundër.
Mbetet të shihet se cili do të jetë vendimi final për sezonin aktual në futbollin shqiptar.
