Më 1 korrik Greqia do të hapë zyrtarisht sezonin turistik dhe duke marrë parasysh ecurinë e pandemisë së COVID-19 ka vendosur të mos e hapë me disa shtete kufijtë.
Por a do të hapen kufijtë me Shqipërinë?
Sipas listës, shteti fqinj do të hapë kufinjtë ajrore me Shqipërinë dhe 38 vende të tjera europiane.
Zv/ministri i Mbrojtjes së Qytetarit shpalli çeljen e sezonit turistik me sloganin “Enjoy your stay, Stay safe”.
Përpos kësaj ai bëri me dije edhe rregulloren e re: çdo udhëtar do plotësojë deklaratën përkatëse në pikën e hyrjes në Greqi, me itinerarin e planifikuar në vend dhe kontaktet.
Nga udhëtimet ajrore drejt Greqisë përjashtohen këto 9 vende: Maqedonia Veriore, Britania e Madhe, Suedia, SHBA, Rusia, Katar, Emiratet e Bashkuara të Arabisë, Arabia Saudite, Izrael. /albeu.com/
