Ministrja e Arsimit, Evis Kushi, ka njoftuar se shkolla do të fillojë me 27 shtator, jo me 13, siç ishte paralajmëruar më herët.
Ky vendim është marrë për të zgjatur periudhën e mësimit plotësues, i cili do të nisë më datë 1 shtator 2021.
“Duke vlerësuar dhe shqyrtuar me kujdes shqetësimet dhe sugjerimet e ardhura nga mësuesit dhe prindërit, vendosëm të zgjasim periudhën e mësimit plotësues deri në nisjen e vitit të ri shkollor, jo më 13 shtator, por më 27 shtator 2021.
Gjatë periudhës së mësimit plotësues, që nis që më 1 shtator, nxënësit nuk janë të detyruar të shkojnë çdo ditë në shkollë, ndërsa mësuesit dhe të gjitha stafet shkollore do të jenë aty me kohë të plotë për të ofruar krahas mësimit plotësues, edhe veprimtari të ndryshme sportive, artistike dhe kulturore”, shprehet ministrja në një status në Facebook./albeu.com
