Mario Dajsinani, e nis sot si titullar ndaj San Marinos, megjithatë nuk do të jetë ai që do të mbajë fanellën me numër 1. Kjo fanellë është rezervuar për Simon Simonin te Kombëtarja siç raporton “Panorama Sport”.
Dajsinani do të mbajë veshur fanellën me numër 23, pikërisht atë që kishte në stol gjatë tre takimeve të mëparshme. Simoni ndërkohë do e ketë sfidën e parë në stol për këtë edicion të Ligës së Kombeve.
Të lidhura
None found
Kujtojmë se këto ndryshime vijnë pasi Etrit Berisha, si numri 1, u ndëshkua ndaj Finlandës me karton të kuq.
Sfida me San Marinon në stadiumin “Air Albania” do të nisë në orën 20:45. Risi është prania e Alain Tahos, për të cilin u njoftua se i bashkohet sot Kombëtares.
Një rast mjaft i çuditshëm, duke qenë se portierët e tjerë nga vendi nuk u morën parasysh.
Kuqezinjtë shpresojnë te një ndalesë e Finlandës ndaj Bjellorusisë. Kështu edhe mund të marrin sërish vendin e parë në grupin C1 të Ligës së Kombeve.
