Gjashtë fëmijë të një kopshti në qytetin e Korçës janë dërguar për ndihmë mjekësore, pasi dyshohet se kanë pësuar intoksikim nga ushqimi.
Fëmijët po trajtohen në repartin e Pediatrisë në Spitalin e Korçës. Sipas informacionit paraprak, gjendja e tyre shëndetësore nuk paraqitet e rëndë.
Të lidhura
None found
Dyshimet e para janë përqendruar te ushqimi që ata kanë konsumuar në kopsht, por shkaku i saktë i intoksikimit ende nuk është përcaktuar.
Policia ka nisur hetimet për të sqaruar rrethanat e rastit. Gjatë procesit do të kontrollohet ushqimi i konsumuar nga fëmijët, si edhe mënyra dhe kushtet në të cilat ai është përgatitur e shërbyer.
Ndërkohë, autoritetet shëndetësore pritet të kryejnë analizat përkatëse për të identifikuar shkakun e intoksikimit.
