Kosova ka mbyllur seancën e fundit stërvitore përpara ndeshjes së raundit të katërt të Ligës së Kombeve kundër Austrisë.
Të lidhura
None found
Gjatë përgatitjeve, Dardanët kanë punuar në aspektin taktik, me synimin për të reaguar pas humbjes ndaj Austrisë dhe barazimit me Izraelin.
Skuadra kosovare paraqitet e mobilizuar dhe me një atmosferë pozitive në kamp, teksa përballja pritet të zhvillohet me ritëm të lartë.
Përzgjedhësi Franco Foda deklaroi në konferencën për shtyp se ekipi është përgatitur maksimalisht dhe se pret një duel intensiv.
Stërvitjes i janë bashkuar edhe kapiteni Vedat Muriqi dhe portieri Aro Muriq, të cilët munguan në ndeshjen ndaj Izraelit për shkak të lëndimeve.
Prania e tyre përbën një përforcim të rëndësishëm për Kosovën, e cila synon të përfitojë nga avantazhi i të luajturit në shtëpi.
Ndeshja Kosovë – Austri do të zhvillohet të dielën në stadiumin “Fadil Vokrri”, duke nisur në orën 18:00.
