Kombëtarja e Shqipërisë, do të përballet me Finlandën në transfertë. “Panorama Sport”, mëson se në transfertën e 3 tetorit do të jenë në tribunë Samuele Sina, Sabah Kerjota dhe Klevi Qefalija.
Sina, Kerjota dhe Qefalija janë zgjedhjet teknike të Maran për të përfunduar në tribunë, ndërsa në dispozicion të listës me 23 lojtarë rikthehen Klisman Cake, Feta Fetai dhe Naser Aliji.
Të lidhura
None found
Kujtojmë se Luis Hasa është larguar më parë drejt Tiranës, për shkak të temperaturës së lartë që po kalonte.
Disi të papritura duken zgjedhjet me Sinën dhe Qefalijan, të cilët luajtën ndaj San Marinos. Sina madje ishte edhe titullar. Bashkë me Kerjotën ishin risitë e Maran në listën e Ligës së Kombeve.
Shqipëria aktualisht regjistron 2 pikë më tepër se Finlanda. Sfida që nis në orën 15:00 mund të rezultojë vendimtare për fatet e Grupit C1.
