Protesta qytetare ka hyrë sot në ditën e saj të 118-të.
Qytetarët janë mbledhur në sheshin “Skënderbej”, prej nga do të nisen në marshim përgjatë bulevardit, me destinacion Kryeministrinë. Pas mbërritjes para godinës së ekzekutivit, pritet të mbahen fjalime ku do të artikulohen shqetësimet dhe kundërshtimet ndaj politikave qeverisëse.
Të lidhura
None found
Mes kërkesave kryesore të protestuesve është dorëheqja e Edi Ramës. Platforma e tyre parashikon gjithashtu ngritjen e një qeverie tranzitore me mandat 12-mujor, e ngarkuar me përgatitjen e vendit për zgjedhjet e ardhshme.
Një tjetër kërkesë është shfuqizimi i disa nismave ligjore, të cilat protestuesit i konsiderojnë të dëmshme për interesat e qytetarëve shqiptarë.
Organizatorët bëjnë të ditur se tubimet do të vazhdojnë edhe gjatë ditëve në vijim dhe se lëvizja nuk do të tërhiqet pa u përmbushur kërkesat e saj.
