Janar 2019: te Milani “zbarkojnë” Piatek (nga Genoa) dhe Paquetà (Flamengo). Një dyshe e krahasuar nxitimthi me Shevchenko-Kaka. U konsiderua revolucioni kuqezi i merkatos riparuese. Janar 2020: revolucioni ka dështuar. Tashmë pak pak dyshime, të dy, si Piatek ashtu edhe Paqueta, pas 12 muajve si kuqezinj dhe një investimi monstruoz prej 70 milionë eurosh në total, janë kthyer në merkato. Sigurisht, në dalje…
“Pyka” polake mbërriti nga Genoa për të zëvendësuar Higuainin (shkoi te Chelsea). E nis në mënyrë të jashtëzakonshme: dygolësh në Kupën e Italisë kundër Napolit dhe 6 gola në 8 ndeshjet pasardhëse në Serinë A. Më pas, diçka nuk shkoi si më parë. Deri në fund të sezonit, shënoi vetëm 3 gola në 11 ndeshje.
Me fillimin e sezonit tëri, Milani shpresoi në ringjalljen e Piatek, por kura “Giampaolo” nuk funksionoi (realizoi vetëm 2 gola me 11-metërsh nën drejtimin e ish-trajnerit të Sampdorias). Nuk po funksionon as me Piolin (ka shënuar një 11-metërsh dhe një gol me aksion). Shumë pak për një “Bomber”. “Djalli” ka vendosur t’ia besojë sulmin Zlatanit e për rrjedhojë, Piatek është shumë pranë largimit si pjesë e një projekti të dështuar.
