PSG mposhti gjermanët e Lajpcig me rezultatin 0-3, duke i eliminuar në gjysmëfinalen e Ligës së Kampioneve.
Një sukses historik për kampionët e Francës, teksa nuk kanë munguar “thumbimet” menjëherë pas përfundimit të sfidës.
Ishte braziliani Nejmar që i entuziazmuar nga ky kualifikim, nuk është përmbajtur, duke postuar në “Instastory”, një foto teksa shfaqet me një gotë Red Bulli.
Një postim ironik ky, për shkak se sponsori kryesor i skuadrës gjermane është pikërisht kompania e famshme Red Bull.
Ndërkohë nuk ka munguar as festa në dhomat e zhveshjes, ku spikasin Mbape dhe Nejmar si 2 protagonistët kryesorë të kësaj feste.
