Pamje të dhimbshme gati të pabesueshme vijnë nga kjo familje në Reskovec, e cila sic mund t’a shihni ka mbetur në qiell të hapur.
Kjo pasi, sipas familjes në fjalë, banesa e tyre është shembur nga Bashkia e Reskovecit, duke i lënë në mes të katër rrugëve.
Të braktisur nga të gjithë, familjarët i janë drejtuar redaksisë së Albeu.com duke denoncuar padrejtësinë, e bërë sipas tyre nga bashkia duke kërkuar ndihmë në gjendje shumë të vështirë jetësore.
“Jemi një familje në Reskovec që kemi ngelur mes katër rrugëve. Kryetarja e Bashkisë Majlinda Bufi na prishi shtëpinë duke në lënë në qiell të hapur…”
Sipas familjarëve, banesa e cila tashmë është kthyer në rrënoja ka qënë me dokumenta të rregullta dhe me certifikatë.
“Shtëpia ishte me dokumenta të rregullta dhe me certifikatë. Jemi të pambrojtur!”
Të dëshpëruar për fatin e tyre, familjarët rrëfyen për albeu.com se pjestarët e kësaj familje janë të sëmurë, me sëmundje të rënda dhe me probleme mendore.
“E gjithë familja ime është e sëmurë, me probleme mendore e sëmundje të rënda. Ju lutem na ndihmoni, jemi në pikë të hallit. Nuk kemi ku të strehohemi.”– shprehet familjari për redaksinë.
Mjafton të shihni pamjet e dhimbshme të bashkëngjitura lajmit për të vërtetuar gjendjen e vështirë jetësore me të cilën po përballet kjo familje.
Nëse dëshironi të ndihmoni sadopak, ju lutemi të kontaktoni në këtë numër celulari +355 69 555 5405, për t’u lidhur me familjarët e kësaj familje. /albeu.com/
