Deputetja e Partisë Demokratike, Rudina Hajdari la jetën në Amerikë, për të vijuar misionin që la pas i ati, Azem Hajdari në politikën shqiptare.
Rudina ka studiuar dhe jetuar për shumë vite në SHBA, e padyshim që kthimi në Shqipëri nuk ka qenë aspak i lehtë.
Hajdari dhe bashkëshorti i saj Muçjo Demiraj, kanë vite që janë njohur. Deputetja asokohe ka qenë 16 vjeçe ndërsa bashkëshorti i saj 19.
Për këtë marrëdhënie ajo foli në studion e emisionit “E Diell”, teksa zbuloi dhe momentin që ia ka rrëfyer të ëmës, Fatmirës.
Hajdari thotë se mamaja e ka pëlqyer shumë bashkëshortin e saj dhe reagimi i parë i saj ishte, “sa i bukur qenka”, tha Rudina.
“Ka qenë moment shumë i bukur sepse me bashkëshortin jemi takuar në adoleshencë. Jemi takuar në plazh. Mami erdhi në Amerikë dhe unë i thoja të gjitha gjërat. Ua tha sa i bukur qenka. E pëlqeu shumë. Unë e dija çfarë kisha zgjedhur. Burri është shumë i qetë, i dashur dhe një baba i përkushtuar. Vajza ime është me shumë fat që ka një baba të tillë”, u shpreh deputetja.
