Një ditë pas shembjes së Teatrit, Aleanca për Mbrojtjen e Teatrit bën me dije se është komunikuar nga organizata Trashëgimisë në Bashkimin Europian, “Europa Nostra” se ambasadori i BE-së do të publikojë një deklaratë.
“Na bëni të ditur kur kjo të ketë ndodhur”, shkruan Europa Nostra.
Në mesazh, shprehet dhe trishtimi pavarsisht qëndresës së aktivistëve, artistëve e qytetarëve.
”Me shumë shpresë që gjithë njerëzit që janë arrestuar do të lirohen së shpejti. Nëse e ndieni që duhet të bëjmë diçka për ta, na e bëni të ditur”, shkruhet ndër të tjera.
Mesazhi:
Të dashur Miq,
Dëshiroj të ndaj me ju shprehjen e simpatisë së thellë, solidaritetit të sinqertë dhe mbështetjen time të plotë morale.
Kam përcjellë mesazhin tuaj direkt të Komisionerja Gabriel dhe kam qenë në kontakt me të dhe Kabinetin e saj këtë mëngjes.
Besoj se Ambasadori i BE-së do të publikojë një deklaratë të BE-së. Na bëni të ditur kur kjo të ketë ndodhur.
Me shumë shpresë që gjithë njerëzit që janë arrestuar do të lirohen së shpejti. Nëse e ndieni që duhet të bëjmë diçka për ta, na e bëni të ditur.
Me trishtim të thellë dhe shumë vlerësim për betejën tuaj heroike për Teatrin tuaj,
Sneška
