Hoti zbulon planin për Qeverinë e tij: Do ketë 16 ministri

I nominuari për kryeministër nga LDK-ja Avdullah Hoti, ka thënë se qeveria e tij në përbërjen e saj do t’i ketë 16 ministri, por se nuk ka treguar se cilët do të jenë ministrat nga radhët e LDK-së.

Ndonëse kanë kaluar tri orë që nga takimi LDK-ja as gjatë ditës së sotme nuk ka arritur të vendos se kush do të jenë ministrat e saj.

“Kabineti do të ketë 16 ministri, besoj që sot ose nesër do ti publikojmë. Nuk kemi vendos ende e kemi informu në detaje kryesinë e LDK’së se kemi caktu ende kabinetin nga ana e LDK’së po presim për kohën se kur do të mbahet seanca.

Kemi bërë një riorganizim të ministrive për të ruajtur funksionalitetin te pjesa e ekonomisë, kemi bë disa ndryshme, detajet me partnerët do ti bëjëmë publik”, ka thënë Hoti.

Ai tha se brenda LDK’së nuk ka asnjë mospajtim lidhur me marrëveshjen.

“Asnjë mospajtim nuk është i kam mrri marrëveshjen me kolëget, po presim kohën kur do të mbahet seanca”, shtoi ai.

Hoti tha se nuk i ka marrë ende emrat e ministrave nga subjektet tjera, i pyetur për disa propozime që kanë qenë të dënuar nga gjykata.

“Ende nuk i kam marrë emrat ata që janë bë publike i keni pa edhe ju ka pas një letër këmbim për parimet e bashkëqeverisjes duhet të ju përmbahemi në përpikëri.

Do ta prezantojmë bashkë me partnerët koalicionin”, ka thënë ai.

Sa i përket Listës Serbe, Hoti tha se ata janë partnerë ashtu sic përcaktohet edhe në Kushtetutë.

“Ata janë partnerë qeverisës edhe në bazë të kushtetutës dhe do të kenë aq sa kanë pas brenda qeverie”, ka deklaruar ai.


Shtuar 1.05.2020 13:41