Dua Lipa të premten publikoi këngën “Physical”, e cila është njëherësh kënga e parë e albumit të saj të ri.
Për këtë projekt, ajo ka punuar me shumë përkushtim bashkë me ekipin e saj, ndërsa erdhi me stil të viteve ’80-ta.
Kënga po pëlqehet shumë nga fansat, madje për më pak se 24 orë nga publikimi, ajo ka kaluar shifrën e tre milionë klikimeve në kanalin YouTube.
Ajo çfarë e bën të veçantë këtë projekt është fakti se në videoklip, Dua erdhi si kameleon, duke u shfaqur me nga një ngjyrë ndryshe në secilën nga skenat e klipit.
Dua Lipa ka njoftuar se albumi i saj i ri do të lansohet më 3 prill të këtij viti.
