Teuta ka ndarë rrugët me Santiago Puzzon, i cili nuk do të jetë më pjesë e skuadrës durrsake. Mesfushori 19-vjeçar nga Paraguai dhe klubi kanë vendosur të ndërpresin marrëdhënien mes tyre.
“Klubi i Futbollit Teuta njofton mbylljen e bashkëpunimit me lojtarin Santigo Puzzo, i cili nga sot nuk do të jetë më pjesë e ekipit tonë. KF Teuta e falënderon për kontributin e dhënë gjatë kohës së tij në klub dhe i uron shumë suksese në vazhdim të karrierës së tij”, thuhet në njoftimin e klubit të Teutës.
Të lidhura
None found
Puzzo ishte afruar te Teuta në shkurt të këtij viti, por aventura e tij te durrsakët rezultoi një dështim. 19-vjeçari mori vetëm 87 minuta në fushë, pa arritur të bindë as trajnerët dhe as drejtuesit e klubit.
