ZYRTARE/ Merr fund telenovela, sulmuesi Ngo rikthehet te Tirana (VIDEO)

Merr fund telenovela Majkëll Ngo. Pas shumë pritjesh sulmuesi anglez është rikthyer përsëri në radhët e Tiranës.

Prej shumë kohësh flitej për një rikthim të Ngos, por tratativa u shty nga vetë sulmuesi për arsye ende të paqarta.

Lajmi e bëri të ditur vetë faqja zyrtare e bardhebluve në ‘’Facebook’’ duke thënë ndër të tjera se sulmuesi do t’i bashkohet menjëherë skuadrës në Pogradec për të nisur fazën stërvitore.

Postimi i Tiranës

Rikthehet Michael Ngoo! 💥
Lojtari Michael Ngoo rikthehet në Shqipëri për t’ju bashkuar skuadrës bardheblu. Një nga sulmuesit më të dashur për tifozët dhe jo vetëm, do të jetë serish pjesë e kampionatit shqiptar. Shtatlarti ishte titullar i padiskutuar në sezonin 2019/2020 dhe me kontributin e tij të madh në skuadër i dhuroi klubit titullin kampion. Ngoo vjen sërish me synime të qarta dhe objektivin kryesor, fitimin e një titulli tjetër. Ai do t’i bashkohet skuadrës në Pogradec për të vijuar fazën përgatitore.
Mirëseerdhe në familjen tënde Michael!
🏆⚽️


Shtuar 27.07.2021 17:48

Tags: , ,