Spalletti: Humbëm sepse Atalanta është e fortë

Luciano Spalletti, pas humbjes që Napoli i tij pësoi në shtëpi kundër Atalantës, për DAZN deklaroi: “Më shqetëson kjo humbje, por skuadra zhvilloi një ndeshje të bukur. Atalanta fitoi përballë një skuadre të vërtetë. Të vjen keq, sepse mund të bënin më mirë në disa episode dhe kishim raste të ndryshme për të shënuar gol.

Kishte dyshime se nuk do të ishim në lartësinë e duhur, por treguam që ishim aty. Në sjelljen e skuadrës në fushë gjen shumë gjëra të drejta dhe të duhura. Në 10 minutat e fundit skuadra meritonte të shënonte gol. I kam përgëzuar djemtë për paraqitjen ndaj Atalantës”.

“Humbëm sepse ata janë një klub i fortë dhe një skuadër solide. Duhen përgëzuar për mënyrën sesi po e çojnë përpara projektin e klubit dhe për lojtarët që zbulojnë dhe i shesin, falë cilësisë së futbollit që prodhojnë. Dinë të bëjnë gjithçka. Janë të fuqishëm dhe kanë teknikë”. /h.ll/albeu.com


Shtuar 5.12.2021 12:17