Priti penallti dhe shënoi atë vendimtare ndaj Anderlehtit/ Heroi Etrit Berisha: Unë jetoj për ndeshje të tilla

Portieri shqiptar Etrit Berisha, vazhdon të jetë vendimtar për ekipin e Haken në Suedi, teksa e ka ndihmuar të kalojë në turin tjetër të Ligës së Europës, duke eliminuar me penallti Anderlehtin.

Berisha priti një penallti dhe pastaj shënoi atë vendimtaren për t’i siguruar ekipit të tij kalimin e turit.

“Ndjehesha mirë para se të gjuaja, pasi kisha pritur një penallti më parë. Ndjehesha i sigurt dhe unë jetoj për ndeshje si kjo”, tha Berisha pas sfidës.

“Ne kishim një pjesë të parë me të vërtetë të mirë dhe ndoshta duhej të kishim shënuar më shumë se një gol. Kemi fituar një ndeshje të rëndësishme ndaj një ekipi të madh, pas një ndeshje të tmerrshme ndaj Djurgarden. Ishte një hakmarrje e mirë kjo që morëm sot”, ishin fjalët e Berishës pas ndeshjes duke kujtuar humbjen 1-6 në kampionat në fundjavë.


Shtuar 1.08.2025 08:40