Ballkani përmes një njoftimi zyrtar ka bërë të ditur se kanë kompletuar transferimin e sulmuesit senegalez Pape Oumar Cisse.
“Repartit sulmues të skuadrës i bashkohet edhe senegalezi Pape Oumar Cisse”.
“Futbollisti 21 vjeç, i gjatë 1,85m, do të jetë armë shtesë e kampionëve tanë drejt objektivave në vazhdimësinë e garave”.
“Welcome Cisse”, thuhej në njoftimin e lëshuar nga Ballkani.
Jo më larg se dje Ballkani njoftoi edhe për rikthimin në ekip të Meriton Korenicës, i cili pritet të jetë një ndihmesë e madhe për therandasit për pjesën e mbetur të sezonit.
Ndërkohë Cisse paraprakisht kishte luajtur në elitën e futbollit maqedonas, aty ku ishte paraqitur në radhët e Brera Strumicës.
Më herët ai karrierë ka bërë edhe në Itali, ku ka luajtur tek Giulianova dhe Avezzano./Telegrafi/
