Ian Wright ka shprehur kritika ndaj vendimit të VAR-it, i cili nuk rekomandoi dhënien e një penalltie për Liverpoolin në humbjen 1-0 ndaj Arsenalit në Anfield.
Legjenda e ish-klubit të tij vlerëson se gjyqtarët nuk e interpretuan siç duhet një duel në zonën e rreptësisë, ku Jurrien Timber kapi fanellën e sulmuesit Alexander Isak.
Të lidhura
None found
Edhe pse lojtarët e Liverpoolit kërkuan penallti, arbitri kryesor vendosi të mos akordonte 11-metërsh. Vendimi nuk u ndryshua as pas ndërhyrjes së VAR-it, i cili nuk e dërgoi gjyqtarin për ta rishikuar pamjen.
Wright e ndoqi takimin nga tribuna e tifozëve të Arsenalit. Ai e festoi triumfin e skuadrës së zemrës, por pranoi hapur se mendonte që Liverpoolit iu mohua një mundësi për të goditur nga pika e bardhë.
“VAR-i ka gabuar në këtë rast. Natyrisht, bëhet fjalë për ekipin tim dhe unë dëshiroj që ata të fitojnë, prandaj jam i lumtur që kanë marrë tri pikët”.
“Por, nëse do ta akordonin atë penallti, nuk do të ulesha këtu duke thënë se nuk mund ta besoj që e dhanë. Do të thosha se jam i lumtur që arritëm të merrnim një pikë”, shtoi ish-sulmuesi anglez.
Arsenali siguroi kështu një fitore me peshë në Anfield, megjithatë kontakti mes Timberit dhe Isakut pritet të vijojë të jetë objekt diskutimi. Kjo sepse edhe një nga figurat më të njohura të klubit londinez pranoi se vendimi i gjyqtarëve favorizoi skuadrën e tij.
