Pas javësh të tëra bisedimesh dhe paqartësish, kalimi i Ferran Torres nga Barcelona te Paris Saint-Germain po i afrohet realizimit.
Të lidhura
None found
Gazetari i njohur i merkatos, Fabrizio Romano, raporton se dy klubet kanë mbërritur në etapën vendimtare të negociatave për sulmuesin spanjoll.
PSG dhe Barcelona pritet të zhvillojnë së shpejti raundin përfundimtar të diskutimeve, gjatë të cilit do të saktësohen hollësitë e mbetura financiare për mbylljen e marrëveshjes.
Klubi parisien e konsideron Torresin një përforcim me peshë për repartin e sulmit. Nga ana tjetër, Barcelona është e hapur për shitjen e tij nëse propozimi financiar tejkalon 50 milionë euro, një shumë që do ta ndihmonte ndjeshëm klubin katalanas në planin financiar.
Torres, 26 vjeç, pati një sezon të mirë me Barcelonën, duke regjistruar 20 gola dhe 3 asistime në 47 paraqitje.
Vendimi përfundimtar pritet të merret në orët e ardhshme, ndërsa zyrtarizimi i transferimit duket gjithnjë e më pranë.
