Një faull tepër i rëndë i Gabriel Paulista ndaj Vinicius Jr i cili i kushtoi kartonin e kuq mbrojtësit të Valencias në ndeshjen e ligës kundër Real Madrid të enjten mbrëma.
Në minutën e 70-të, Paulista ishte protagonist i një ndërhyrje shumë të ashpër ndaj Vinicius Jr. Sulmuesi i Realit tentoi një driblim shpejtësie, por lojtari i Valencias e kuptoi që nuk kishte shanse të ndalte ndryshe dhe bëri një ndërhyrje të ashpër duke shkelmuar këmbët e Vini Jr me dashje.
Vinicius u hodh në ajër dhe në moment është çuar nga toka dhe i ka shkuar Gabriel Paulistës me një zemërim duke e shtyrë dhe duke debatuar. Gjyqtari i sfidës u afrua me një herë dhe i tregoi lojtarit të Valencias kartonin e kuq.
