Egnatia e çeli me rezultat të barabartë 1-1 paraqitjen historike në fazën e grupeve të Ligës së Konferencës, pasi ndau pikët me Midtjylland në “Elbasan Arena”.
Të lidhura
None found
Rrogozhinasit kaluan në avantazh në minutën e 26-të. Ildi Gruda goditi saktë me kokë, duke përfituar nga një krosim i ardhur nga krahu i djathtë.
Epërsia e vendasve zgjati vetëm gjashtë minuta, pasi Gue-Sung Cho riktheu baraspeshën për danezët, edhe ai me një goditje me kokë.
Pas pushimit, të dyja skuadrat patën raste për të marrë fitoren, por finalizimi nuk ishte në nivelin e duhur. Haime iu afrua golit për Egnatian, ndërsa Midtjylland vuri disa herë në vështirësi portën e Dajsinanit.
Mysafirët gjetën rrugën e rrjetës në minutat e fundit, por goli u anulua për një faull ndaj portierit. Në një tjetër aksion, topi përfundoi në shtyllë, ndërsa tentativa u konsiderua e pavlefshme për shkak të pozicionit jashtë loje.
Megjithë presionin e shtuar të Midtjylland në fund të takimit, Egnatia e mbrojti rezultatin 1-1 dhe siguroi një pikë në debutimin e saj në këtë aventurë evropiane.
Barazimi përbën një nisje pozitive për skuadrën shqiptare në këtë paraqitje historike, edhe pse mbetet keqardhja për mundësinë e humbur për ta shndërruar epërsinë në një fitore.
