Barcelona raportohet se është shumë pranë realizimit të goditjes së madhe të merkatos verore, duke transferuar Rodrin nga Manchester City.
Eksperti i transferimeve Matteo Moretto bën të ditur se klubi katalanas ka avancuar ndjeshëm në bisedimet me Manchester Cityn dhe palët po shkojnë drejt arritjes së marrëveshjes për mesfushorin.
Të lidhura
None found
Pas negociatave intensive, drejtuesit e Barcelonës synojnë që gjithçka të përfundojë brenda orëve të ardhshme. Vlera e operacionit pritet të kalojë 70 milionë euro, përfshirë bonuset.
Blaugranët dëshirojnë t’i mbyllin sa më shpejt të gjitha procedurat, në mënyrë që fituesi i Kupës së Botës me Spanjën të jetë i gatshëm për Trofeun Joan Gamper javën e ardhshme. Gjatë këtij eventi do të zhvillohet edhe prezantimi zyrtar i skuadrës për sezonin e ri.
Futbollisti 30-vjeçar, i cili u zgjodh lojtari më i mirë i Kupës së Botës 2026, ka pranuar një kontratë katërvjeçare me kampionët e La Ligës.
Sipas raportimeve të mediave, Rodri do të përfitojë 15 milionë euro në sezon te Barcelona. Kjo pagë do ta vendosë atë në të njëjtin nivel me Lamine Yamalin si futbollisti më i paguar i skuadrës.
