EMRI/ I shpallur në kërkim në Itali për trafik droge dhe organizatë kriminale, arrestohet 38 vjeçari në Tiranë, pritet ekstradimi

Një 38 vjeçar i shpallur në kërkim ndërkombëtar për trafik droge është arrestuar nga policia e Tiranës.

Në pranga ka rënë Ermal Furriku, i shpallur në kërkim pasi gjykata e Potenzas në Itali kishte lëshuar urdhër arresti ndaj tij për veprat penale “Trafikimi i lëndëve narkotike” dhe “Organizatë kriminale”, parashikuar nga Kodi Penal i Italisë.

Interpol Tirana vijon procedurat për ekstradimin e këtij shtetasi, në Itali.