Një lajm i bukur ka ardhur nga Ana dhe Kevini, një prej çifteve më të dashura të edicionit të tretë të “Big Brother VIP Kosova”.
Dyshja ka bërë të ditur se është në pritje të fëmijës së parë, duke ndarë emocionin me ndjekësit përmes një postimi të përbashkët në Instagram. Në fotografitë e publikuara, Ana dhe Kevini shfaqen në natyrë, teksa Kevini përqafon barkun e rrumbullakosur të partneres së tij.
Të lidhura
None found
“Nga dy zemra në tri”, ishte mesazhi i shkurtër dhe emocionues me të cilin çifti shoqëroi lajmin e pritjes së ëmbël.
Postimi mori menjëherë vëmendje të madhe në rrjetet sociale, ndërsa urimet nga miqtë, kolegët dhe ndjekësit e tyre ishin të shumta. Ky moment është veçanërisht i rëndësishëm për çiftin, historia e dashurisë së të cilit nisi para syve të publikut brenda shtëpisë së “Big Brother VIP Kosova”.
Lidhja e tyre vazhdoi edhe pas përfundimit të formatit televiziv, ndërsa tani Ana dhe Kevini po përgatiten për një kapitull të ri në jetën e tyre, atë të prindërimit.
Sipas raportimeve, kjo është foshnja e parë e një çifti të krijuar brenda “Big Brother VIP Kosova” në katër edicionet e formatit.
Për momentin, çifti nuk ka zbuluar detaje të tjera, përfshirë gjininë e foshnjës, por lajmi i shtatzënisë ka sjellë reagime të shumta pozitive dhe urime për prindërit e ardhshëm.
