Ngjarja e rëndë ndodhi më 6 shtator, rreth orës 23:30, pranë kryqëzimit të rrugëve “Prohor Pcinski” dhe “Vojdan Çernodrinski” në Shkup.
Të lidhura
None found
Sipas Ministrisë së Punëve të Brendshme, D.G. (29), A.Xh. (24), K.B. (36), E.B. (25) dhe A.M. (26), të gjithë banorë të Shkupit, ndodheshin pranë vitrinës së një biznesi kur u sulmuan.
Para grupit ndaloi një motoçikletë me dy persona. Pas pak, njëri prej tyre hapi zjarr në drejtim të pesë banorëve, ndërsa të dy autorët u larguan menjëherë nga vendi i ngjarjes.
Një prej plumbave goditi 26-vjeçarin A.M. Ai u transportua me ambulancë në Kompleksin Klinik “Nënë Tereza”, por nuk arriti t’u mbijetojë plagëve dhe ndërroi jetë në spital.
Policia nuk ka bërë ende të ditur identitetin e dy sulmuesve, ndërsa mbeten të paqarta edhe motivet e incidentit.
