Kryeministri bullgar Kiril Petkov dje në Sofje para deputetëve hodhi poshtë pretendimet se më 22 maj në Maqedoninë e Veriut dy qeveritë do të nënshkruajnë një dokument konkret për zgjidhjene kontestit midis dy vendeve dhe hapjen e rrugës për Maqedoninë në BE.
Petkov tha se as ardhja e delegacionit bullgar nuk është finalizuar. “Takimi ende nuk është finalizuar, por një gjë është e sigurt, ne vetëm po vazhdojmë dialogun konstruktiv, por asgjë konkrete nuk do të nënshkruhet”, tha Petkov.
Kryeministri i Maqedonisë së Veriut Dimitar Kovaçevski thotë se Ministritë e Punëve të Jashtme të Maqedonisë dhe Bullgarisë janë në komunikim, por nuk ka dokument të harmonizuar. Ai nuk dëshiron të rrisë pritshmëritë për zhbllokimin në qershor dhe thotë se nuk është i lidhur me data. (INA)
