Tre persona janë identifikuar nga policia si të dyshuar për sulmin e dhunshëm ndaj dy të rinjve në Gostivar, ngjarje e publikuar përmes një videoje në rrjetet sociale.
Të lidhura
None found
Sipas sqarimeve të policisë, bëhet fjalë për dy të mitur nga Gostivari dhe V.D. (20) nga Shkupi.
Dy të miturit janë thirrur në stacionin policor për bisedë zyrtare, ndërsa dokumentet e tyre të udhëtimit janë konfiskuar me urdhër të prokurorit publik. Për të dyshuarin e tretë, policia bën të ditur se në SPB Shkup është dërguar një njoftim zyrtar për vazhdimin e procedurës.
Pas dokumentimit të plotë të rastit, ndaj të tre personave do të nisë një procedurë e përshpejtuar para gjykatës, theksojnë autoritetet.
Sulmi, sipas të dhënave zyrtare, ndodhi në orët e para të 2 gushtit, në rrugën “Borçe Jovanoski”. Dy të rinjtë u goditën me mjete të forta dhe shkopinj druri.
