Ministri Agon Ferati priti në një takim pune delegacionin e Odës Ekonomike të Maqedonisë Veri-Perëndimore (OEMVP), me fokus thellimin e marrëdhënieve institucionale dhe përkrahjen ndaj sipërmarrjeve.
Të lidhura
None found
Gjatë bisedimeve, Ferati shprehu vullnetin për të finalizuar një Memorandum Mirëkuptimi me Odën, që do të hapte rrugë për seminare trajnuese dhe nisma të përbashkëta dedikuar anëtarëve të saj.
Kryetari i OEMVP-së, Nuhi Aliu, vlerësoi se një dialog i vazhdueshëm mes palëve është thelbësor për të siguruar një partneritet afatgjatë.
Nga ana e tij, Drejtori Ekzekutiv Durim Zeqiri theksoi se Oda është e gatshme të vërë në dispozicion të institucioneve dhe enteve publike burimet dhe dijen e Qendrës së saj të Trajnimeve, duke synuar ngritjen e aftësive profesionale.
