Një 37-vjeçar nga Ohri, me inicialet D.A., është ndaluar nga policia më 17 qershor 2026, rreth orës 12:00, njoftoi Ministria e Punëve të Brendshme. Arrestimi është kryer nga nëpunës policorë të Policisë Kriminalistike pranë SPB Ohër.
Sipas MPB-së, gjatë një kontrolli në banesën e tij të realizuar me urdhër gjykate, policia ka gjetur dhe konfiskuar një revole, dy pushkë, tre granata dore, 22 fishekë të kalibrave të ndryshëm, si edhe dy qese najloni me barut, të cilat ai i mbante në mënyrë të paligjshme.
Të lidhura
None found
Autoritetet bëjnë të ditur se, pasi të përfundojë dokumentimi i plotë i rastit, ndaj tij do të paraqitet kallëzim penal në bazë të nenit 396 të Kodit Penal, për veprën penale “prodhimi, posedimi, ndërmjetësimi dhe tregtimi i paautorizuar i armëve ose materialeve shpërthyese.
