Zbardhen propozimet në grupin e PD për president

Janë zbardhur disa prej propozimeve për president në Grupin Parlamentar të Partisë Demokratike.

Deputeti i PD, Ferdinand Xhaferraj, ka propozuar në mbledhjen e sotme emrin e Leonard Demit si kandidat për President.

Demi ka qenë deputet i Partisë Demokratike nga viti 2005 deri në 2009.

Ai ka qenë gjithashtu ambasador i Shqipërisë në NATO gjatë kohës së qeverisjes së Ramës.

Ndërkohë deputeti i qarkut të Kukësit, Flamur Hoxha ka propozuar emrin e Arben Çejkut, ish ambasador i Shqipërisë në Maqedoni.

Ndërsa deputeti i Korçës, Bledjon Nallbati ka propozuar si kandidat për President, emrin e ish-ministrit të Brendshëm dhe ish gjeneralin, Dritan Demirajn.

Ndërkohë pritet edhe konsensusi nga ana e Partisë Socialiste, që njëri prej tyre të marrë aprovimin për president./albeu.com/