Ministria e Mbrojtjes, ka bërë të ditur se gjatë 24 orëve të fundit në të gjithë vendin janë evidentuar 32 vatra zjarri. Prej tyre, 11 vijojnë të jenë aktive, 5 janë nën mbikëqyrje, ndërsa 16 janë shuar.
Për menaxhimin e situatës janë mobilizuar në rang kombëtar 735 forca vendore dhe 64 automjete zjarrfikëse. Në operacione janë përfshirë edhe Forcat e Armatosura, me 475 efektivë, 7 automjete zjarrfikëse, 4 helikopterë dhe 1 avion Air Tractor.
Të lidhura
None found
Për ditën e sotme është planifikuar angazhimi i 160 forcave ushtarake në zonat ku ndërhyrja vijon.
Ndërhyrja kryesore është përqendruar në zonat ku zjarret paraqesin rrezikun më të madh.
Në Malin e Dajtit, përveç strukturave të bashkisë, operacionit i janë bashkuar sot 77 forca ushtarake dhe 1 helikopter.
Në Bardhaj të Shkodrës po punojnë 5 automjete zjarrfikëse, shërbimi pyjor dhe strukturat e emergjencave civile. Mbështetja e Forcave të Armatosura përfshin 1 automjet zjarrfikës dhe 1 helikopter, ndërsa gjatë ditës së sotme angazhimit i shtohen 33 forca dhe 1 ambulancë.
Situata në Fier po përballohet nga 13 automjete zjarrfikëse, 4 autobote, 55 efektivë dhe 90 forca të tjera. Në terren janë gjithashtu 90 ushtarakë, 1 helikopter dhe 1 avion Air Tractor, ndërsa sot vijon mbështetja me 33 forca.
Operacioni në Himarë ka përfunduar pas shuarjes së zjarrit. Për përballimin e situatës u angazhuan 26 automjete zjarrfikëse, 120 efektivë, 40 vullnetarë, 67 forca bashkiake, 20 forca policore dhe 180 efektivë të Forcave të Armatosura, të mbështetur nga 2 helikopterë.
Agjencia Kombëtare e Mbrojtjes Civile po monitoron pa ndërprerje gjendjen në të gjithë territorin, në bashkëpunim të ngushtë me prefekturat, bashkitë dhe strukturat e sistemit të Mbrojtjes Civile.
Forcat dhe mjetet operacionale vijojnë të qëndrojnë në terren dhe në gatishmëri për të ndërhyrë në çdo zonë ku nevojitet, duke pasur si përparësi mbrojtjen e jetës, banesave, pasurisë së qytetarëve dhe mjedisit.
