Vaksinimi i mësuesve, një pjesë nuk pranojnë injektimin me AstraZeneca

Ka nisur sot procesi i vaksinimit të mësuesve në qytetin e Elbasanit.  Vaksinimi po kryhet në ambjentet e shkollës 9 vjecare “Jorgji Dili”

Mësohet se janë kryer vaksinimet e para të arsimtarëve, ndërsa sot mjekët dhe infermierët e do të marrin dozën e dytë të vaksinës kundër koronavirusit.

Ndërsa edhe në Gjirokastër ka nisur procesi i vaksinimit të mësuesve. Bëhet me dije se 83% e mësuesve në Zyrën Arsimore Gjirokastër kanë pranuar t’i nënshtrohen procesit të vaksinimit.

Në shifra janë 250 mësues që do të vaksinohen, nga 360 mësues që janë në total.

Në kategorinë e atyre që nuk kanë pranuar vaksinimin përfshihen ata që e kanë refuzuar vaksinimin për arsye shëndetësore, të tjerë pasi nuk e kanë plotësuar periudhën dymujore post covid, ndërsa një pjesë tjetër janë mosbesues ndaj vaksinës  së AstraZeneca.

Shtuar 16.03.2021 12:03