U raportua se SHBA ia refuzoi vizën kryeministrit Kurti, reagon qeveria

Gjatë orëve të pasditës në disa nga mediat u raportua se SHBA refuzoi vizën e kryeministrit Kurti.

Megjithatë, këto zëra i demantoi zëdhënësi i Qeverisë së Kosovës, Përparim Krzeiu. Kryeziu në një prononcim për GazetaBlic tha se nuk ka asgjë të vërtetë në këto raportime.

Ai më tej shtoi se vizita në SHBA do të ndodhë së shpejti dhe se e njëjta është duke u planifikuar.

“Nuk është e vërtetë. Kryeministri Kurti është i pajisur me vizë amerikane. Ai do të udhëtojë për në Shtetet e Bashkuara të Amerikës së shpejti. Vizita e tij është duke u planifikuar”, tha Kryeziu./gazetablic


Shtuar 3.11.2021 20:44