Një ndjarje tronditëse ka ndodhur në Brazil, ku babai vrau vajzën e tij pas një debati dhe i pagoi një të pastrehë 2 dollarë për të djegur trupin e saj, në mënyrë që të fshinte gjurmët e krimit të tmerrshëm.
Sipas Daily Mail, 39-vjeçari Wellington da Silva, u arrestua të mërkurën dhe rrëfeu se kishte vrarë Reisa da Silva në shtëpinë e tij në Sao Paulo të dielën e kaluar.
Të lidhura
None found
Një kamera sigurie e vendosur jashtë banesës së tij, regjistroi burrin duke futur trupin e pajetë të 18-vjeçares në ashensor.
Wellington Da Silva, u tha autoriteteve se ai dhe vajza e tij ishin ulur në shtëpi së bashku duke pirë alkool, kur papritmas filluan të grindeshin për ndarjen e tij dhe të nënës së saj disa muaj më parë.
Burri tha se u tërbua sepse 18-vjeçarja këmbënguli të mbështeste nënën e saj dhe e mbyti atë.
Sipas policisë së Sao Paulos, 39-vjeçari ra në gjumë me kufomën e vajzës së tij në banesë dhe vendosi ta asgjësonte trupin e saj mbrëmjen e së hënës.
Më pas dyshohet se iu afrua një burri të pastrehë dhe i kërkoi të blinte etanol nga një pikë karburanti aty pranë dhe i vuri zjarrin trupit të saj.
“Ai na tha se i kishte paguar 2 dollarë për ta bërë këtë”, tha një zëdhënës i policisë lokale.
Nëna e Reisës e denoncoi zhdukjen e saj të hënën dhe trupi i djegur i 18-vjeçares, u gjet të martën nën një pjesë të thyer të trotuarit nga kalimtarët.
Autoritetet kanë nisur kërkimet për të gjetur personin e pajetë dhe po shqyrtojnë pamjet nga kamerat e sigurisë në zonë për të konfirmuar pretendimet e 39-vjeçarit.
