Këtë të enjte, tensionet para Parlamentit u përshkallëzuan ndjeshëm, pasi protestuesit e grumbulluar arritën të kalonin rrethimin e parë të sigurisë.
Qytetarët ushtruan presion mbi barrierat mbrojtëse dhe hoqën gardhin metalik të vendosur nga Policia e Shtetit.
Pasi çanë pengesën e parë, protestuesit vazhduan marshimin drejt godinës së Kuvendit, duke u ndalur përballë perimetrit të dytë të sigurisë.
Në këtë moment, ndaj efektivëve të rendit u hodhën vezë dhe sende të tjera.
Pas incidentit, Policia solli pranë Parlamentit edhe autobotin me ujë, në gatishmëri për një ndërhyrje të mundshme.
