Të hënën mbahet mbledhja e parë e përbashkët e qeverisë shqiptare me atë të Malit të Zi

Mbledhja e parë e përbashkët e qeverisë së Malit të Zi dhe Shqipërisë do të mbahet të hënën më 27 shkurt.

Në mbledhje do të nënshkruhen një sërë marrëveshjesh ndërshtetërore të rëndësishme për përmirësimin e bashkëpunimit dypalësh.

Seanca do të mbahet në ndërtesën e re të Akademisë së Shkencave dhe Arteve të Malit të Zi në Podgoricë.

Pas nënshkrimit të dokumenteve të përbashkëta, është planifikuar një konferencë për shtyp e kryeministrit Dritan Abazovic dhe kryeministrit Edi Rama.